Елеусіновтың келесі жекпе-жегі жарияланды

All Stars Boxing қазақстандық боксшы Данияр Елеусіновтің (12-0, 7 КО) келесі жекпе-жегінің күні мен орнын жариялады, деп хабарлайды Sport+.

2016 жылғы Олимпиада чемпионы және IBO тұжырымы бойынша бұрынғы әлем чемпионы рингке 28 ақпанда Астанада өтетін лига турнирінде оралады.

Данияр соңғы жекпе-жегін қыркүйек айында Алматыда өткен бокс кешінде өткізіп, филиппиндік Джо Нойнайды (23-4-2, 11 КО) техникалық нокаутпен жеңген болатын.