Елена Рыбакина US Open турниріне арналған киім үлгісін көрсетті
Қазақстанның бірінші, әлемнің 4-ракеткасы Елена Рыбакина АҚШ ашық чемпионатына ойнауға арналған киім үлгісін көпке жария етті, деп хабарлайды Sport Plus Qazaqstan.
US Open теннис тарихында ең жүлде қоры көп турнир болмақ. Ойыншылар 75 млн АҚШ долларын табады, бұл өткен жылғыдан 15 пайызға көп.
Аталмыш «Үлкен дулыға» жарысына Қазақстаннан әйелдер арасында жекелей сында Рыбакинамен бірге Юлия Путинцева қатысады.
Зарина Дияс іріктеу сайыстарында алғашқы кездесуінде қытайлық Ма Есиньнен жеңіліп қалды – 4:6, 4:6.
