Елена Рыбакина эйс жасау жөнінен әлемде көш бастады

Қазақстанның бірінші, әлемнің 4-ракеткасы Елена Рыбакина 2024 жылы WTA 1000 турнирлерінде 99 эйс жасады, деп хабарлайды Sport Plus Qazaqstan.

Сhampionat.com сайтынан алынған мәліметке қарағанда, қазақстандық теннисші бұл көрсеткіш жөнінен көш бастады.

Чехиялық Каролина Плишкова (91 эйс) екінші, жапониялық Наоми Осака (70) үшінші орында келеді.

Майами WTA 1000 турнирінің өзінде Рыбакина 53 эйс жасап үлгерді.

Елена Рыбакина сондай-ақ WTA чемпиондық кестесінде Беларусь өкілі Арина Соболенконы ығыстырып, екінші орынға көтерілді.

WTA чемпиондық кестесі, 1 сәуір:

1 (1). Ига Швентек (Польша) — 3140 ұпай.
2 (3). Елена Рыбакина (Қазақстан) — 2693.
3 (2). Арина Соболенко (Беларусь) — 2520.
4 (4). Чжэн Циньвэнь (Қытай) — 1785.
5 (5). Кори Гауфф (АҚШ) — 1765.
6 (6). Елена Остапенко (Латвия) – 1553.
7 (26). Даниэль Коллинз (АҚШ) — 1522.
8 (7). Ясмине Паолини (Италия) — 1472.
9 (9). Анна Калинская (Ресей) — 1422.
10 (8). Марта Костюк (Украина) — 1350.