Джаватов күресте жақсы шығар, бірақ грэплингтен мені ұта алмайды: Рауан Бекболат

«Alash Pride» лигасының 61 кг салмақтағы чемпионы Рауан Бекболат Sport Plus Qazaqstan сайтына берген сұхбатында 2 мамыр күні Алматыда өтетін Alash Pride 96 турниріндегі қарсыласы, тараздық балуан Ержет Жарылқасынмен төбелесі, Қытай лигасы мен жаңа салмақтағы жоспарлары жайында әңгімеледі.

- 2 мамырда ресейлік Ильямин Джаватовпен шаршы алаңға шығасыз. Ол несімен мықты және осал тұстары қандай?

- Қарсыласымның оң қолы мықты, яғни бұған дейінгі жекпе-жектерінде көбіне оң қолымен ауыр соққылар жасап, қарсыластарын ұрып құлатқан. Джаватовтың басты қаруы - оң қолы. Сол оң қолынан сақтансам болды.

- Қарсыласыңыз күреске жақын. Ал сіз Джаватовпен күресуге дайынсыз ба?

- Джаватов күресте жақсы шығар, бірақ грэплингтен мені ұта алмайды.

- Тараздық балуан Ержет Жарлықасын еркін күрестен Азия чемпионатында топ жарды. Бір-біріңізді қаншалықты танисыздар? Спарринг жасадыңыздар ма?

- Ержат Жарылқасынды танимын, бірақ ол мені танымайтын шығар. Бірге жаттығу жасаған жоқпыз, танысып жатсақ жасап қалармыз (күлді). Бірге жаттығуға қарсы емеспін.

- Қытайда жекпе-жек өткізуіңіз керек еді, бірақ салмақ мәселесі болды. Қытай лигасынан сізді қашан көреміз?

- JCK лигасында кез келген уақытта шығуға болады. Қазіргі ол лигамен кішігірім келіспеушіліктер болып жатыр.

- Кезінде Георгий Поповты (UFC-дің бұрынғы жауынгері) жекпе-жекке шақырған едіңіз. Қазір Попов қарсылас ретінде сізді қаншалықты қызықтырады?

- Попов қәзір бұрынғыдай емес екен, яғни формада емес. Мен мықты болуым үшін тек мықтылармен жекпе-жек өткізгім келеді. Сондықтан қазір онымен жекпе-жекке шығу мен үшін қызық емес.

- 61 келіде «Alash Pride » белбеуін жеңіп алдыңыз, жеңіл салмақта қандай жоспарларыңыз бар?

- Иә, 61 келіде белбеуді жеңіп алдым. Енді «Alash Pride» лигасында 66 келідегі белбеуді алсам деген ой бар. Алла қаласа, одан кейн де үлкен лигаларға шығу жоспарда бар.

- Рақмет!