Елжан Әлиасқар өзбек қарсыласының салмағына күмәнданды

NAIZA 59 турнирінің аясында қазақстандық жауынгер Елжан «Албан» Әлиасқар өзбекстандық қарсылас Рустам Даминовпен жекпе-жектен кейін пікір бөлісті, деп хабарлайды Sport Plus Qazaqstan.

- Бұл жекпе-жекке жақсы дайындалдым. Салмақ қуып тастағанмын, қарсылас 66 келімін деді, бірақ салмағын көрген жоқпын. Шынымды айтсам, маған ауыр болды. Мен негізі 61 келіде төбелесемін, бірақ қарсыласымның салмағы ауыр болды. Өз салмағымдағы спортшының астында жатпайтын едім, ал Даминовтың салмағы 70 келі болған сияқты. Реванш сұрайтын болса, салмағын 61-ге қуып келсін,- деді Әлиасқар.

Төрішелірдің шешімімен аталмыш жекпе-жек тең нәтижемен аяқталды.