Дэвид Немировски: Үйде бұлай ойнауға болмайды

«Барыс» бас бапкері Дэвид Немировски КХЛ тұрақты чемпионатындағы «Амурдан» 1:5 есебімен жеңілген матчты түсіндірді, деп хабарлайды Sport Plus Qazaqstan.

«Үйде бұлай ойнауға болмайды, тіпті сырт алаңда да олай болмауы керек. Голдардың көбін өзімізге өзіміз салдық. Ойыннан кейін жігіттер мұны түсінеді деп сенемін. Бізде жақсылап дайындалуға үш күн бар. Мен оларға, өзіме, бапкерлік құрамға сенемін, бәрін түзете алатынымызға сенемін. Біз жылдам гол жіберіп алдық, ойынды шабуылға ауыстыруға тырыстық, бірақ бұл мүмкіндікті дұрыс пайдалана алмадық.

Бірнәрсе істеуге тырыстық, бірақ жоспардан ауытқып, бірден қарымта шабуылдар алдық. Бұл жерде Никита Бояркиннің кінәсі жоқ, даладағы хоккейшілер көмектеспеді. Бірінші гол кезінде: біздің үш ойыншымыз тұрды, ал қарсыластың біреуі ғана. Мұнда Бояркин емес, жанында тұрған ойыншылар кінәлі», — деді Немировски матчтан кейінгі баспасөз мәслихатында.