«Челси» қысқы трансфер кезеңінде Мудрикті сатуға дайын

Лондондық «Челси» клубының украиналық вингері Михаил Мудрик осы желтоқсанда командадан кетуі мүмкін, деп хабарлайды Sport+.

Footiecentral басылымының мәліметінше, «Челси» 23 жастағы ойыншыны қысқы трансфер кезеңінде сатуды қарастыруда, себебі оған бірнеше клубтан ұсыныс түскен.

Мудрикті өз сапына қосуға үміткерлер арасында АПЛ-дың екі клубы бар: осы маусымда Чемпиондар Лигасына қатысып жатқан «Астон Вилла» мен лондондық «Вест Хэм». Сондай-ақ, француздық «Марсель» де ойыншыға қызығушылық танытуда. «Челси» украиналық футболшымен €35 млн көлемінде сомаға қоштасуға дайын.

Осы маусымда Мудрик «Челси» сапында барлық турнирлерде 16 матч өткізіп, үш гол соғып, төрт нәтижелі пас берді. Михаил лондондық клубқа 2023 жылдың қаңтарында қосылған болатын.