«Бешікташ» Зайнутдиновтың мәселесі бойынша Түркия футбол федерациясына жүгінеді
Стамбұлдық «Бешікташ» Бақтиер Зайнутдиновтың 2024/25 маусымында жергілікті ойыншы мәртебесін алу үшін Түркия футбол федерациясына жазбаша өтініш жібереді, деп хабарлайды Sport Plus Qazaqstan.
Шетелдік ойыншылардың, оның ішінде қазақстандық жартылай қорғаушы Бақтиер Зайнутдиновтың, «көк картасы» бар және жергілікті квота бойынша ойнайтын ойыншылар жаңа маусымда легионер мәртебесін алады деген ереже анықталды.
«Бешікташ» Түркия футбол федерациясына Зайнутдиновтың жергілікті ойыншы мәртебесін келісім-шарт мерзімі ішінде сақтап қалу үшін жазбаша өтініш береді. Федерацияның бұл өтініштерді мақұлдайды деп күтілуде», — деп жазады дереккөз.
