«Барыс» шабуылшысы жарақат алғандар тізімінен шығып, команда үшін дебют жасауы мүмкін

Беларусьтық шабуылшы Владислав Кодола 9 қыркүйекте жарақат алғандар тізіміне енгізілген болатын, бірақ енді ол бұл тізімнен шығып, «Барыс» үшін дебют жасауға дайын, деп хабарлайды Sport Plus Qazaqstan.

Кодола маусымаралық кезеңде минскілік «Динамодан» «Барысқа» қорғаушы Кристиан Хенкельге айырбасталып келген.

Өткен КХЛ маусымында Кодола тұрақты чемпионатта 45 матч өткізіп, 14 (3+11) ұпай жинады, пайдалы әрекет коэффициенті «-3», 16 айып минутын алып, орташа есеппен мұзда 15:39 минут ойнады.

«Барыс» 13 қыркүйекте минскілік «Динамомен» кездеседі.