«Барыс» Майкл Веккионе мен Райли Уолшты командаға қосылғаны туралы хабарлады

Астаналық «Барыс» Майкл Веккионе мен Райли Уолшпен келісімшарттарға қол қойылды, деп хабарлайды Sport+.

Веккионемен жасалған келісім 2026 жылдың 31 мамырына дейінгі бір маусымға арналған.

Өткен маусымда 32 жастағы америкалық ойыншы «Херши Беарз» құрамында АХЛ тұрақты чемпионатында 68 ойын өткізді және 39 (19+20) ұпай жинады. Плей-офф кезеңінде ол 8 матчта 4 (1+3) нәтижелі баллға қол жеткізді.

Уолшпен жасалған келісім бір маусымға арналған.

Америкалық қорғаушы 2017 жылы «Нью-Джерси» командасы тарапынан драфтқа алынған. Райли Уолштың барлық мансабы Солтүстік Америкада өтті. Өткен маусымда 26 жастағы хоккейші «Лос-Анджелес» фарм-клубы «Онтарио Рейн» құрамында ойнады. Ол АХЛ тұрақты чемпионатындағы 70 матчта 32 (6+26) ұпай жинап, плей-оффтың екі ойынында нәтижелі әрекеттер жасамады. Сондай-ақ, ол АХЛ-де «Бингемтон Девилз», «Ютика Кометс» және «Провиденс Брюинз» командаларында өнер көрсетті.

НХЛ-де ол 2021-2022 маусымында «Нью-Джерси Девилз» командасы атынан бір ойын өткізді.