«Барыс» жаңа бапкерлік штабын ресми түрде таныстырды

Хоккейден «Барыс» клубы негізгі командаға бас бапкер болып Михаил Кравецтің тағайындалғанын ресми түрде хабарлады. Мамандығымен жасалған келісімшарт 2026 жылдың 31 мамырына дейін күшінде, әрі ол тағы бір маусымға ұзартылуы мүмкін, деп хабарлайды Sport+.

Михаил Григорьевич Кравец бапкерлік мансабын 2001 жылы бастаған. Ол Континенталь хоккей лигасында әр жылдары «Витязь», «Амур», «Авангард», «Куньлунь» командаларын жаттықтырған.

Алдыңғы бас бапкер Ғалым Мамбеталиевпен келісімшарт КХЛ-ның өткен маусымында көрсетілген нәтижелердің көңіл көншітпейтіндігіне байланысты тоқтатылды.

«Барыс» клубының 2025–2026 жылғы маусымдағы бапкерлік штабы:

Бас бапкер — Михаил Кравец
Бас бапкердің көмекшісі — Талғат Жайлауов
Шабуылшылар жаттықтырушысы — Александр Савченков
Қорғаныс ойыншыларының жаттықтырушысы — Евгений Королев
Дене дайындығы бойынша жаттықтырушы — Денис Малинин
Видео-бапкер — Сергей Тамбулов