«Барыс» Астанада «Автомобилистпен» кездеседі
7 қарашада Астананың «Барысы» Екатеринбургтің «Автомобилисімен» Континентальды хоккей лигасының үйдегі матчында ойнайды, деп хабарлайды Sport+.
Ойын 19:00-де басталады.
Қазіргі уақытта «Барыс» 22 матчта 14 ұпай жинап, Шығыс конференциясында соңғы орынды иеленуде, ал «Автомобилист» 21 ойыннан 28 ұпаймен екінші орында тұр. Соңғы кездесуде астаналықтар өз алаңында қазандық «Ак Барсты» буллит сериясында 1:2 есебімен жеңіліп қалды, ал екатеринбургтіктер өз алаңында Нижнекамскінің «Нефтехимигін» 3:2 есебімен жеңді.
