«Барыс» елордада «Ак Барс» командасымен кездеседі

Қазақстандық «Барыс» командасы бүгін, 5 қарашада Құрлықтық хоккей лигасындағы кезекті ойынын елордада Ресейдің «Ак Барс» (Қазан) командасына қарсы өткізеді, деп хабарлайды Sport +.

Ойын елорда уақытымен 19:30-дa басталады. 

Екі команда бұған дейін 54 мәрте кездескен. Оның 11-i елордалық клубтың басымдығымен аяқталса, қалған ойында ресейлік команда жеңіске жеткен.

Кейінгі алты кездесудің барлығында қазақстандық клуб аталған қарсыласына есе жіберді.

Енді қазақстандық команда бұдан кейінгі бір ойынын елордада өткізеді. 7 қараша күні «Автомобилист» (Екатеринбург) клубымен шеберлік байқасады.