Астанада конкурдан қыздар арасында ашық біріншілік өтеді

Халықаралық әйелдер күніне орай Астана қаласында ат спортының конкур түрінен қыздар арасында ашық біріншілік өтеді, деп хабарлайды Sport Plus Qazaqstan.

Астана қалалық спорт басқармасы мәлім еткендей, еліміздің түкпір-түкпірінен келген бұрымдылар 8 наурыз күні «Арғымақ» ат-сауықтыру спорт кешенінде кіл мықтыларды анықтайды. 

Олар сайыстың 6 бағдары бойынша сынға түседі.

• №1 маршрут «Ашық класс санаты»

• №2 маршрут «Жастар санаты»

• №3 маршрут «Әуесқойлар санаты»

• № 4 маршрут «4 жасар жас жылқылар санаты»

• №5 маршрут «5 жасар жас жылқылар санаты»

• №6 маршрут «6 жасар жас жылқылар санаты»

Жарыстың жалпы жүлде қоры – 6 млн теңге.