«Астана» ОЖЖ-да алғашқы ойынын өткізеді. «Астана» - «Gulf United» кездесуін қайдан көруге болады
«Астананың» екінші жиынындағы ойын бағдарламасы БАӘ-нің «Gulf United» клубына қарсы кездесуден басталады, деп хабарлайды Sport Plus Qazaqstan.
Бірінші кезекте бұл матч қазақстандық жанкүйерлерге елордалық жаңартылған команданы көру үшін қызықты болады.
«Астана» шабуылдаушы екі футболшы Барнс пен Камараны қатарына қосып, қорғаныс шебін Быстров және Қажуколовас сынды ойыншылармен нығайтты.
Елордалық ұжымның жаңа ойыншыларын көру мүмкіндігін Sport Plus Qazaqstan телеарнасы жасауда.
Матч Астана уақыты бойынша сағат 18:30-да басталады. Кездесудің тікелей эфирі Sport Plus Qazaqstan телеарнасы мен сайтта, сонымен қатар YouTube арнасында өтеді.
