Әмір Омарханов US Open 1/8 финалына өтті

Қазақстандық теннисші ресейлік Тимофей Дерепаскомен бірге бастапқы кездесуін түркиялық Карахан Атакан – оңтүстіккореялық Хуйонг Ромен өткізді.

Бірінші партияда қазақстандық-ресейлік жұп 6:3 есебімен басым түссе, екіншісінде түркиялық-оңтүстіккореялық дуэт есе қайырды – 6:3. Супер тай-брейкте Әмірханов – Дерепаско жеңісті жұлып алды – 10:8.

Әмір Омарханов – Тимофей Дерепаско ширек финалға шығу үшін чехиялық Денис Петак – швейцариялық Флинн Томаспен таласады.

Биыл Ә.Омарханов – Т.Дерепаско Ролан Гаррос жарысында жартылай финалға дейін жетіп, онда болашақ чемпиондарға жол берген еді.

АҚШ чемпионатында қыздар арасында Асылжан Арыстанбекова мен Соня Жиенбаева жұптық сында өнер көрсетіп, жеңіліп қалды.

С.Жиенбаева бүгін жекелей сында америкалық Аланис Хэмилтонмен ойнайды.