Әмір Омарханов French Open ширек финалына өтті

Парижде жастар арасындағы French Open турнирінің алғашқы ширек финалдық жұптары анықталды, деп хабарлайды Sport Plus Qazaqstan.

Қазақстан теннис федерациясының мәліметінше, қазақстандық Әмір Омарханов ресейлік Тимофей Дерепаскомен бірге Чарли Камю (Франция)/Хайден Джонс (Австралия) дуэтін 7:6 (7:4), 6:2 есебімен жеңді. 1/4 финалдағы қарсыластар кейін белгілі болады.

Ал, Соня Жиенбаева мен Асылжан Арыстанбекова Франция ашық чемпионатынан шығып қалды. Аталмыш жұп алғашқы айналымда Эмерсон Джонс (Австралия)/Виттория Паганетти (Италия) дуэтіне 4:6, 6:4, 7:10 есебімен жеңілді.