Алматыда Gorilla Winter Jungle дәстүрлі фестивалі өтеді

6-7 сәуір күндері Шымбұлақта сноуборд пен шаңғы фристайлынан Gorilla Winter Jungle дәстүрлі фестивалі өтеді. Қызыққа толы бұл жарысты Sport Plus Qazaqstan телеарнасы көрсетеді. 

Ұйымдастыру тобының айтуынша, сайысқа сноуборд және шаңғы фристайлының 16 жұлдызы қатысады. Олар Қазақстан, Ресей, Польша, Австрия, Франция, Финляндия және басқа елдерден келеді. Олардың ішінде Еуропа Кубогының бірнеше дүркін жүлдегерлері Ян Яромин (Польша), Валттери Каутонен (Финляндия), Винсент Мараво (Франция), Лука Пихлер (Австрия) және тағы басқалары бар. 

Фестивальдың жалпы жүлде қоры 7 млн теңгені құрайды. Big Air санатындағы жеңімпаз 800 мың теңге немесе 1700 доллар еншілейді. 

Спорттық сайыстан бөлек көрерменге музыкалық номерлер де қызық болары сөзсіз. Биыл «Грэмми» иегері, атақты британиялық MC Flowdan өнер көрсетеді.  Сонымен қатар, сахнаға RUSHA, TOBE, ALON, MENINDENIMSAU, LOVANDA және тағы басқа өнерпаздар шығады.

Gorilla Winter Jungle үздік сноубордистер сайысын Sport Plus Qazaqstan эфирінен 6 және 7 сәуір күндері тамашалаңыздар.