Әлихан Әсетов: Басқа клубтардың қызығушылығы қуантады, бірақ мен «Барыста» қалғым келеді

«Барыс» капитаны Әлихан Әсетов «От Синей линии» арнасына берген сұхбатында команданы тастап кетуі мүмкін деген ақпаратқа түсініктеме берді, деп хабарлайды Sport+.

«Басқа клубтардың қызығушылық танытуы өте жағымды, бірақ мен «Барыста» ойнағым келеді. Бұл клуб мені өсірді, мен хоккейдегі барымды осында бергім келеді. Агентім менің жұмыстарымды жүргізіп жатыр, ұсыныстар бар, бірақ біз менің осында қалғым келетінін анық көрсеттік. Мұнда менің отбасым, үйім, жанкүйерлерім – бәрі мен үшін жақын», – деді Әсетов.

Бұған дейін Әлихан Әсетовтың трансферлік мерзім аяқталғанға дейін «Барысты» тастап кетуі мүмкін екені туралы ақпарат тараған. Оған ҚХЛ-дің екі клубы қызығушылық танытқан.