Әли Әлиев: Әрбір футболшы сәтсіздік үшін ақталуға дайын

Футболдан Қазақстан құрамасының бас бапкерінің міндетін атқарушы Әли Әлиев Лихтенштейнмен ойын алдында команданың көңіл-күйімен бөлісті, деп хабарлайды Sport+ Қазақстан футбол федерациясына сілтеме жасап.

«Маған команданың көңіл-күйі ұнайды. Уэльспен өткен ойыннан кейін жігіттердің ұпай ала алмағанына көңілі түскенін байқадым, біз оған өте жақын болдық. Киім ауыстыратын бөлмеде көргенім көп нәрсені білдіреді. Команда психологиялық тұрғыдан дайын. Әр ойыншы сәтсіздіктен кейін қайта еңсе тіктеуге дайын. Біз жақсы әрі мазмұнды ойын көрсетуге дайынбыз деп ойлаймын.

Маған командамен бірге Вадуцқа жол жүруіміз ұнады. Ешбір ойыншы шағымданған жоқ, наразылық білдірген жоқ. Барлығы сәтсіздікті ұмытып, өздерін қайта дәлелдеуге ұмтылуда. Ертең жақсы ойын көрсетіп, оң нәтиже көрсетуге қауқарымыз жетеді деп ойлаймын», — деді Әлиев.

Қазақстан мен Лихтенштейн арасындағы матч 25-інен 26-науразына қараған түні сағат 00:45–те өтеді.