Алан Құрманғалиев әлем чемпионатының 1/8 финалына өтті
Үстел теннисінен Қазақстанның құрамасының спортшысы Алан Құрманғалиев Швецияның Хельсингборг қаласында өтіп жатқан жастар арасындағы әлем чемпионатының 1/8 финалына шықты, деп хабарлайды Sport+ Olympic.kz сайтына сілтеме жасай отырып.
Біріншіліктің алғашқы айналымында Құрманғалиев Камерундық Юлэйн Батиксені жеңді.
27 қарашада Алан 1/4 финалға шығу үшін неміс спортшысы Андре Бертельсмайермен ойнайды.
Айта кетейік, Құрманғалиев әлем чемпионатына өткен жалғыз қазақстандық.
