Айтана Бонмати әйелдер арасындағы «Алтын доп» иегері атанды
«Барселона» футбол клубының ойыншысы Айтана Бонмати екінші рет «Алтын допты» жеңіп алды, деп хабарлайды Sport+.
26 жастағы жартылай қорғаушы әйелдер футболындағы ең жоғары жалақы алатын ойыншы ретінде танымал және бұл марапатты қатарынан екінші жыл алып отыр.
Соңғы жылы «Барселона» сапында Бонмати төрт турнирде жеңіске жетті: Чемпиондар лигасы, Испания чемпионаты, Кубок және Суперкубок.
Сонымен қатар, әйелдер «Барселонасы» әлемдегі ең үздік әйелдер клубы болып танылды. Ерлер арасында 2024 жылғы «Алтын допты» Испания өкілі Родри иеленді.
