Ағайындылар дербиі: Кенжіғұловтар Австрия лигасында кездеседі
1 желтоқсан күні Австрияның үстел теннисі лигасында қазақстандық ағайынды Айдос пен Дастан Кенжіғұловтар өзара қарсылас атанады, деп хабарлайды Sport+.
Бұған дейін ағайындылар Австрияның беделді клубтарымен келісімшартқа отырғаны туралы хабарланған болатын: Дастан Badener AC клубымен, ал Айдос UTTC Panaceo Stockerau клубымен келісімге келген.
Бүгін, Астана уақыты бойынша сағат 19:00-де Кенжіғұловтар теннис үстелінде кездеседі.
«Кім жеңетіні белгісіз, бірақ біз бар күшімізді саламыз және қазақстандық үстел теннисінің қуатын көрсетуге тырысамыз. Ешқандай жеңілдік жоқ», — дейді Айдос Кенжіғұлов.
