Әділбек Жұмаханов: Жеңісті жолды жалғастырамыз деген үміттемін

Қазақстан жастар құрамасының мүшесі Әділбек Жұмаханов Мальтамен матчтағы жеңіс жайында ойын білдірді, деп хабарлайды Sport Plus Qazaqstan.

«Бүгінгі ойын қиын болды. Мальтаның ойынын білдік, анализ жасап, бапкер қойған тапсырманы орындадық. Матч алдында жігіттермен жиналып, бір бірімізге сенеміз және жеңіске жетеміз деп уәделестік. Командалық жұмыспен, Алланың қалауымен жеңіске жеттік.

Бастапқыда екі гол соқтық, кейін пенальтиден доп өткізіп алдық, өкінішке қарай. Жігіттермен алаңда жүріп бір бірімізге кеңес бердік, әрі қарай үшінші, төртінші гол соғылды.

Өзім де гол соққаныма қуаныштымын, осымен тоқтамаймын деген үміттемін. Бізде штаттық пенальтиші жоқ, бапкердің таңдауымен шықтым.

Бельгиямен Брюсселде ойнадық, өкінішке қарай 0:1 есебімен жеңілдік. Жаман ойнадық деп ойламаймын, тек тәжірибе аздық етті.

Қазір көңіл-күйіміз жақсы. Бельгияны да жеңеміз деген үміттемін», - деді команда капитаны.

Мальтамен матчта Қазақстан құрамасы 4:1 есебімен жеңіске жетті.