Жазғы Паралимпиада ойындарындағы төртінші жарыс күнінің нәтижесі жарияланды
Туризм және спорт министрлігі Жазғы Паралимпиада ойындарындағы төртінші жарыс күнінің нәтижесін жариялады, деп хабарлайды Sport Plus Qazaqstan.
Пара нысана көздеу: 10 метрге пневматикалық мылтықпен нысана көздеуден (R3: екі шынтаққа тірекпен отырып ату) сынға түскен Еркін Ғаббасов 624.3 ұпай жинап, 35-орынға тұрақтады.
Пара жүзу: Рио Паралимпиадасының жеңімпазы Зүлфия Ғабидуллина 150 метрге жүзуде 10-орынға тұрақтап, финалға шыға алмады.
Пара үстел теннисі: Париж-2024 Паралимпиадасында пара үстел теннисінен 1/16 финалында Әли Мақұлбеков бельгиялық Марк Ледомен кездесіп, 1:3 есебімен қарсыласына есе жіберді. Осылайша Әли жарыс жолын аяқтады. Паралимпиаданың төртінші жарыс күнінен (1 қыркүйек) кейін Қазақстан құрамасының қоржынында 1 күміс жүлде бар.
