Жанар Өтешева Головкиннің достығынан кетіп, мәлімдеме жасады

«Сенімді жоғалтты» деген айыппен жұмысынан босатылған Қазақстан ҰОК бас хатшысы Жанар Өтешева осы жайтқа қатысты пікір білдірді, деп хабарлайды Sport Plus Qazaqstan.

Оның сөзіне қарағанда, ҰОК жариялаған ресми мәлімдемеде шикі тұстар көп. Экс-бас хатшының Комитет президенті Геннадий Головкинге реніші де қара қазандай көрінді.

«Сенімді жоғалтпаған» достардан келген қоңыраулар легінде шек жоқ. Менде бәрі жақсы, бәріне көп рахмет! Ақпаратқа қатысты тек бір нәрсе айта аламын. Сіздерге ұсынылған нұсқада «шикі» тұстар көп. Олардың орны уақыт өте келе толатын болар. Оған дейін ешқандай пікір білдіре алмаймын. Кем дегенде біреу ер жігітке тән әрекет жасауы керек қой», - деп жазды Өтешева.

Головкин талай жыл шаршы алаңда жүргенде баспасөз хатшысы да болған Өтешева бұрынғы бастығының парақшасына жазылушылар қатарынан да шығып кетіпті.