«Хумо» Қазақстан чемпионымен келісімшартқа отырды
Ташкенттік «Хумо» хоккей клубы шабуылшы Владислав Дюкаревпен келісімшартқа отырғанын жариялады, деп хабарлайды Sport Plus Qazaqstan.
Бұған дейін хоккейші «Адмирал» командасында қаралымнан өтпей қалған еді.
Магнитогорск хоккей мектебінің тәрбиеленушісі Владислав Дюкарев өткен маусымды «Арлан» құрамында өткізіп, Қазақстан чемпионы атанды. Регулярлық чемпионатта ол 48 матчта 40 (16+24) ұпай жинады. Плей-оффта 14 кездесуде 15 (10+5) ұпайға ие болды.
Дюкарев карьерасының көп бөлігін ВХЛ командаларында өткізген. Ол «Южный Урал», «Зауралье», «Тамбов» және «Торос» командаларында ойнаған.
