Хоккейден әйелдер құрамасы олимпиадалық іріктеуге аттанады

12-15 желтоқсан аралығында хоккейден Қазақстан әйелдер құрамасы 2026 жылғы Олимпиада Ойындарына іріктеудің ақтық сынына жолдамаға таласады, деп хабарлайды Sport+

Біздің хоккейшілер D тобында үшінші кезеңнен жарыс жолына шығады. 5 желтоқсан күні команда Австрияға аттанады. Бергеде алты күндік жаттығу жиыны өтеді. 11 желтоқсан күні іріктеу турнирі өтетін Пьештяни (Словакия) өаласына келеді.

Біздің құраманың қарсыластары: Словакия, Исландия және Словения. 

Қазақстан құрамасының ойын кестесі (Астана уақыты)

12 желтоқсан 2024, 22:00 — Словакия — Қазақстан

13 желтоқсан 2024, 18:00 — Словения — Қазақстан

15 желтоқсан 2024, 18:00 — Қазақстан — Исландия

Ақтық сынға үздік шыққан бір ғана команда жолдама иеленеді.