Хоккей федерациясының басшылығында өзгерістер енгізілді

Республикалық «Қазақстан хоккей федерациясы» қоғамдық бірлестігінің кезектен тыс Республикалық конференциясының шешімімен Сәкен Жүнісбекұлы Мұсайбеков Қазақстан хоккей федерациясының Бас директоры болып сайланды, деп хабарлайды Sport+ федерацияның баспасөз қызметіне сілтеме жасап.

Сәкен Мұсайбеков спорт саласында мол басқарушылық тәжірибеге ие, мәдениет және спорт вице-министрі, сондай-ақ Қазақстан Республикасының Ұлттық Олимпиада комитетінің бас хатшысы сынды бірқатар ұйымдар мен ведомстволарда маңызды лауазымдар атқарған.

Спорт саласындағы ұзақ жылғы тәжірибесі мен жоғары біліктілігі Қазақстанда шайбалы хоккейдің дамуы мен танымал болуына өз септігін тигізеді.

Сонымен қатар, халықаралық бағытты нығайту мақсатында өзгерістер енгізіліп, Глеб Каратаев «Қазақстан хоккей федерациясы» РҚБ-ның Вице-президенті болып тағайындалды.