US Open: Александр Бублик 19 жастағы теннисшіден жеңіліп қалды
Қазақстанның бірінші, әлемнің 27-ракеткасы Александр Бублик АҚШ ашық чемпионатының екінші айналымына шыға алмады, деп хабарлайды Sport Plus Qazaqstan.
Қазақстандық теннисші алғашқы айналымда дүниежүзілік рейтингіде 72-орында тұрған 19 жастағы қытайлық Цзюнчэн Шанмен сынға түсті.
Қарсыластар осыған дейін Индиан-Уэллсте (АҚШ) кездесіп, онда Бублик оңай жеңген еді — 6:4, 6:1.
Бұл жолы бірінші партияда есеп 4:4 болған мезетте Шан брейк жасап, сосын өз геймін алды — 6:4.
Екінші сетте Бублик есеп 4:3 болғанда, брейкке қол жеткізді — 6:3.
Үшіншісінде қазақстандық теннисші есеп 5:4 болып, сетке доп бергенде өз мүмкіндігін пайдалана алмады — 5:5. Дегенмен тағы бір брейк жасап, көздегеніне жетті — 7:5.
Төртіншісінде қытайлық спортшы 5:0 есебімен алға кетті. Бублик есепті қысқартқанымен, таразы басын теңестіре алмады — 3:6.
Шешуші, бесінші сетте Шан брейкпен 3:2 есебімен алға шыққанымен, Бублик сол бойда есе қайырды — 3:3. Бірақ Шан есепті қайта 5:3-ке жеткізді. Содан кейін матчқа доп бергенде, қателескен жоқ — 6:4.
Үш сағат 35 минутқа созылған тартысты бәсеке барысында Бублик 22 эйспен бірге 11 брейк-пойнттың бесеуін пайдаланды. Шан 4 эйс, 6 брейкпен (15 брейк-пойнт) көзге түсті.
Цзюнчэн Шан келесі айналымға шығу үшін әлемнің 55-ракеткасы, испаниялық Роберто Карбальес-Баэна немесе рейтингіде 276-сатыдағы ұлыбританиялық Ян Хоинскидің қай жеңгенімен таласады.
