UFC Шавкат Рахмоновқа арналған фильм шығарды

UFC-дің YouTube арнасында қазақстандық Шавкат Рахмонов (18-0) пен ирландиялық Иэн Гэрри (15-0) арасында өтетін жекпе-жекке арналған фильм жарық көрді, деп хабарлайды Sport+ Kazinform сайтына сілтеме жасай отырып.

Бейнежазбада екі спортшының жаттығуы мен жекпе-жек алдындағы пікірі көрсетілген.

Еске сала кетейік, Шавкат Рахмонов пен Иэн Гэрри арасындағы жекпе-жек 7 желтоқсанда Лас-Вегастағы (АҚШ, Невада штаты) UFC 310 турнирінде өтеді. Бастапқыда Рахмонов UFC жартылай орта салмақтағы чемпиондық белбеуі үшін америкалық Белал Мұхаммедпен (24-3) кездесуі керек еді. Алайда Мұхаммед денсаулығына байланысты жекпе-жектен бас тартты. Енді Рахмонов Гэрриді жеңген жағдайда, Мұхаммедпен титулдық кездесу өткізе алады.