Тимофей Скатов Тунисте негізгі турнирге жолдама алды

Қазақстандық, әлемнің 247-ракеткасы Тимофей Скатов Тунистегі челленджер турнирінің іріктеу сынын сәтті аяқтады, деп хабарлайды Sport Plus Qazaqstan.

Қазақстандық теннисші іріктеу сайыстарының финалында дүниежүзілік рейтингіде 405-орында тұрған нидерландылық Макс Хаукеспен кездесті.

Бірінші партияда 4:3 есебімен Т.Скатов алда тұрған кезде М.Хаукес бәсекені жалғастырудан бас тартты.

Осылайша, Тимофей Скатов жүлде қоры 82 мың АҚШ долларына бағаланған негізгі жарысқа жолдама алды.

Т.Скатовтың негізгі додадағы қарсыласы кейін анықталады.