«Тараздың» бұрынғы ойыншысы Рок Рой Словения – Қазақстан матчы жайлы: Екі құрамаға да жеңіс қажет
«Тараз» клубының бұрынғы ойыншысы, словениялық Рок Рой Sport Plus Qazaqstan сайтына Словения мен Қазақстан арасындағы Ұлттар Лигасы матчының болжамымен бөлісті:
– Менің ойымша, бұл өте қызықты ойын болмақ. Екі командаға да жеңіс қажет, бұл ойында ашық әрі шабуылдаушы ойын болатынын білдіреді. Әрине, мен Словенияның жеңісіне үміттенемін, бірақ бұл сөзсіз оңай болмайды, себебі қазақстандық ойыншылар өте агрессивті және жылдам.
– Соңғы ойында Қазақстан Норвегиямен тең ойнады, Словения Австриямен тең түсті. Бұл топта айқын фаворит жоқ деп айтуға бола ма?
– Менің ойымша, Словения мен Австрия әлі өз ойыншыларының нағыз қабілетін көрсете қойған жоқ. Осы ойыннан кейін бұл топтағы командалардың позициялары айқынырақ бола түседі.
