Сұлтан Қиялов Астанада жекпе-жек өткізеді

«Alash Pride» FC бұрынғы чемпионы Сұлтан Қиялов OFN Иран ұйымының чемпионы Мохаммад Голамимен Астанадағы Dala Fighting Championship турнирінің аясында кездеседі, деп хабарлайды Sport+.

Турнир 2 қараша күні Жақсылық Үшкемпіров атындағы Жекпе-жек сарайында өтеді. 

Қиялов соңғы жекпе-жегінде қазіргі UFC файтері өзбекстандық Нурсултон Рузибоевқа жол берген еді. Қазақстандық спортшы Alash Pride FC чемпионы және APFC және Fight Nights лигаларында үш рет мерзімінен бұрын жеңіске жеткен.