Станислав Черчесов Холанды тоқтату жайлы: Марочкин, Қасым, Әліп оны тоқтата білді

Қазақстан құрамасының бас бапкері Станислав Черчесов Норвегия көшбасшысы Эрлинг Холандқа қарсы ойында командасының қалай әрекет еткені туралы айтты, деп хабарлайды Sport Plus Qazaqstan:

«Мен ойын алдында Холандқа қарсы біздің қаруымыз – өз футболшыларымыз болады деген едім. Марочкин, Қасым, Әліп онымен жақсы күресті. Біз оларға не талап етсек, олар соларды орындап, зоналарды жапты, бұл – бірінші сәт. Екінші сәт – біз оның командаластарының пас беру мүмкіндіктерін шектедік, бірақ бір рет қапы қалдық, сол кезде ол бағанаға соқты. Бұл ойын әр ойыншының ішкі сенімділігін арттырады деп үміттенемін».

Қазақстан мен Норвегия арасындағы кездесу 0:0 есебімен аяқталды.