Шавкат Рахмонов UFC жаңа рейтингіндегі орнын білді

UFC ресми сайтында жаңартылған рейтингін жариялады. Шавкат Рахмонов жартылай орта салмақтағы дивизионда үшінші орынды сақтап қалды, деп хабарлайды Sport Plus Qazaqstan.

Рахмонов UFC топ-15 рейтингінде көрсетілген жалғыз қазақстандық болып қалуда. Жартылай орта салмақтағы дивизиондағы рейтингте Рахмоновтан тек Белал Мухаммад, Камару Усман және қазіргі чемпион ағылшын Леон Эдвардс алда тұр.

Салмақ санатына қарамастан промоушеннің үздік файтері ретінде ресейлік Ислам Махачев қалуда, ол жеңіл салмақта белбеу иегері.