Шавкат Рахмонов Алмаханның дебюті жайлы: Тәжірибе жетіспеді

Жеңіліс көрмеген қазақстандық файтер Шавкат Рахмонов Бекзат Алмаханның UFC-дегі Умар Нурмагомедовпен жекпе-жегі жайында пікірін білдірді, деп хабарлайды Sport Plus Qazaqstan.

"Бекзат керемет жұдырықтасты, жарайсың! Қазақтың қайсар мінезін, батыр ұлын көрсетті. Тек тәжірибе жетіспеді. Умар Нурмагомедов сияқты күшті мектептің тәжірибелі қарсыласына қарамастан артқа шегінбеді", - деді Рахмонов Instagram-дағы тікелей эфирде.

Алмахан UFC Vegas 87 турнирінде Нурмагомедовтан төрешілердің толық шешіммен жеңілді. Бұл жекпе-жек Алмахан үшін әлемдегі ең ірі промоушенде алғашқы шығуы болды. Бұл жеңіліс спортшының мансабындағы екінші жеңілісі болды.