«SAMRUK BALA CUP» Республикалық турнирінің жеңімпаздары марапатталды

Астанада ауыл балалары мен жасөспірімдері арасындағы шайбалы хоккейден «SAMRUK BALA CUP» атты ауқымды республикалық турнирінің жеңімпаздары анықталды, деп хабарлайды Sport Plus Qazaqstan. 

Астана қалалық Cпорт басқармасы мәлім еткендей, республикалық хоккей турниріне Ақмола, Шығыс Қазақстан, Абай, Павлодар, Солтүстік Қазақстан, Қостанай және Қарағанды облыстарынан 300-ден астам ауыл балалары қатысты.

Турнирдің марапаттау рәсіміне «Самұрық-Қазына» АҚ корпоративтік басқару, әлеуметтік-еңбек қатынастары және еңбекті қорғау жөніндегі басқарушы директоры Ғибрат Ауғанов, Астана қаласының Дене шынықтыру және спорт басқармасының бұқаралық спорт бөлімінің басшысы Азамат Агзамов қатысып, жүлделі 1, 2 және 3 орын жеңімпаздарын марапаттады.