Самат Данияр: Командада бәріміз бір бірімізді қолдаймыз

«Барыс» қорғаушысы Самат Данияр Sport Plus Qazaqstan тілшісіне берген сұхбатта ҚХЛ жаңа маусымының алғашқы матчында «Нефтехимиктен» (1:2 ОТ) жеңіліс жайында айтты.

- Құрамада болғандар үшін ұзақ ұшудан кейін қиындау болды. Жол ұзақ болды. Бірақ бүгін мұзға шықтық. Біз кез келген жағдайда ойнауға дайын болуымыз керек. Қазіргі жағдайымызды ескерсек, өзімізді көрсете алдық деп ойлаймын. Команда жаман ойнады деп айта алмаймын. тек соңында осалдық таныттық.  Осы сәттерді реттеп, көбірек лақтырсақ, жағдай реттеледі деп ойлаймын.

Ең бастысы бірлік рухы мен мінез бар жігіттерде. Бәріміз бір бірімізді қолдаймыз. Әрине, әлі де тактика, аймақтағы ойын және қорғаныс бойынша әлі де жақсарту керек тұстар бар. Ойын мен жаттығу арқылы реттейміз.