Қызыққа толы NAIZA 68 турнирін тікелей эфирде көріңіздер
19 қазан күні Қарағандыда NAIZA 68 турнирі өтеді. Жарысқа біраз жас, әрі талантты спортшылар және тәжірибелі файтерлер де қатысады.
Турнирдің басты жекпе жегінде «Қазақстандық Конор Макгрегор» Фаниль Рафиков ПОП-ММА жұлдызы Мухаммад Хейбатимен кездеседі. Қазақстан жанкүйерлері бұл спортшыны Мұратбек Қасымбаймен жеңісінен таниды.
Сонымен қатар, Қарағанды қауымының сүйікті файтері, бұған дейін дзюдодан Қазақстан құрамасының мүшесі болған Абылайхан Шаратов 2-0 рекордын жалғастыруға барын салады.
Жеңіл салмақтағы Тамерлан Саралапов пен Астананың Tobet Top Team өкілі Елжан Гасанов арасындағы жекпе жек те жанкүйерлерге аса қызық болғалы тұр.
Бұдан бөлек турнирде Абу Нұрболат, Аслан Искандеров және тағы басқалары өнер көрсетеді.
Турнир басталуы 18:00де. Бастапқы жекпе жектерді эксклюзивті түрде Sportplustv.kz сайтынан тамашалауға болады. Негізгі кард Sport Plus Qazaqstan телеарнасында және сайтта көрсетіледі.
