ҚХФ ұлттық құраманың жаңа эмблемасын таныстырды

Қазақстан хоккей федерациясы Миланда өтетін Олимпиадаға іріктеу алдындағы ұлттық құраманың жаңа эмблемасын таныстырды, деп хабарлайды Sport Plus Qazaqstan.

Жаңа эмблема алтын бүркітті бейнелейтін таяқтар композициясынан тұрады. Таяқтардың қиылысуында шанырақ бейнесі қалыптасқан, ол команданың ұлттық айдентикасын білдіреді.

Бүркіт, шанырақ және таяқтардың біртұтас эмблемада үйлесуі ұлттық рух пен хоккей қозғалысын біріктіріп көрсетеді.

Айта кетейік, Олимпиадаға іріктеу ойындары 29 тамызда басталады.