Қостанайда қос титулдық жекпе-жек және 50 миллиондық гран-при өтеді. NAIZA 71 турнирін қайдан көруге болады?

Қазақстанның үздік ММА-лигаларының бірі NAIZA 20 ақпан күні Қостанайда NAIZA 71 халықаралық турнирін өткізеді.

Турнир аясында бас жүлдесі 50 миллион теңгені құрайтын Гран-при жоспарланған. «Арлан ММА Қостанай» және «DAR PRO Team» командаларының спортшылары бірінші орынға таласса, қос алматылық команда «SAQ PRO Team» және «НҰРБАТЫР» үшінші орынды сарапқа салады.

Команда өкілдері 1⁄8 финалдан бастап күресті және «Naiza Teams Battle Olimbet» реалити-шоуына қатысты. Енді олар өз мансабындағы ең маңызды текетіреске дайын.

Кештің басты жекпе жегінде Тамирлан Саралапов (5-0, 3 КО/ТКО, 2 СУБ) Иван Даниловпен (7-2, 4 КО/ТКО, 1 СУБ) күш байқасып, жеңіл салмақтағы бос белдіктің иегерін анықтайды.

Оның алдында жеңіліс дәмін татпаған орта салмақтағы жеңімпаз Рамазан Гасанов (12-0, 7 КО/ТКО, 4 СУБ) және жекпе жек саны бойынша лига рекордының авторы Серікбай Ходжабаев (12-9, 2 КО/ТКО, 8 СУБ) кездесу өткізеді.

Сонымен қатар, НАИЗА турнирінде алғаш рет жас дағыстандық спортшы Набиев (3-0, 2 КО/ТКО, 1 СУБ) шығады. Наби жергілікті жанкүйерге Жұман Жұмабековпен жекпе жегімен белгілі. Сол кезде ол бірінші раундта жеңіске жеткен еді. Бұл жолы шетелдік файтердің қарсыласы — отандасымыз Мақсат Сиязбеков.

Турнир 18:00–де басталады.

Тікелей эфир Sport+ телеарнасында, sportplustv.kz сайтында және sportplus_qaz YouTube-арнасында.