Қазақстандық таеквондошылар Черногорияда өткен турнирде екі медаль жеңіп алды
Таеквондодан Черногорияның Подгорица қаласында өткен G-1 санатындағы турнирде Қазақстан құрамасы екі медаль жеңіп алды, деп хабарлайды Sport+ Olympic.kz сайтына сілтеме жасап.
74 келіге дейінгі салмақ дәрежесінде бақ сынаған Мақсат Орынбасар жарыстың алтын жүлдегері атанды.
Ал Әзірет Дүйсенбек 58 келіге дейінгі салмақта үшінші орынға ие болды.
Айта кетейік, бұл турнирге 24 елден 300-ден астам спортшы қатысты.
