Қазақстандық таеквондошы Оңтүстік Кореяда өтіп жатқан жарыста қола жүлдеге ие болды
Оңтүстік Кореяның Муджу қаласында таеквондодан Гран-при кезеңі басталды, деп хабарлайды Sport+ Olympic.kz сайтына сілтеме жасап.
Турнирдің алғашқы күнінде Қазақстан құрамасының өкілі Нодира Ахмедова жүлдегерлер қатарына енді.
49 келіге дейінгі салмақ дәрежесінде өнер көрсеткен спортшымыз қола медаль үшін өткен жекпе-жекте жеңіске жетті. Ахмедова вьетнамдық Тхи Ким Труонгтан 2:0 есебімен басым түсті.
