Қазақстандық гимнастшылар Париж Олимпиадасының финалына өтті
Нариман Курбанов пен Милад Карими турнирдің финалдық кезеңіне жолдама алды, деп хабарлайды Sport Plus Qazaqstan.
Курбанов тұтқалы ат снаряды бойынша алтынға таласады. Ол іріктеу кезеңінде 15.000 ұпаймен 6-орын алды.
Карими көпсайыстан және еркін жаттығудан финалға өтті. Милад Кариминің нәтижелері:
- көпсайыс – 82.065 ұпай, 18-орын (финалға өтті);
- керме жаттығуы – 12.700 ұпай, 50-орын;
- еркін жаттығу – 14.433 ұпай, 8-орын (финалға өтті)
- шығыршық – 13.000 ұпай, 47-орын;
- қоссырық – 14.366 ұпай, 25-орын;
- қол тіреп секіру – 14.300 ұпай, 12-орын;
- тұтқалы ат жаттығуы – 13.266, 38-орын.
Жекелеген жаттығулар бойынша сегіз гимнаст финалға өтеді.
