Қазақстандық дзюдошы әлем чемпионатында жүлделі орынға ие болды

Қазақстан Софияда (Болгария) өтіп жатқан кадеттер арасындағы дзюдодан әлем чемпионатында алғашқы медалін жеңіп алды, деп хабарлайды Sport+ Olympic.kz сайтына сілтеме жасап. 

Оның авторы — 50 килограмға дейінгі салмақ дәрежесінде өнер көрсеткен Арман Мыса.

Қола жүлде үшін өткен белдесуде Мыса Венгрия спортшысы Милан Сабоны уақытынан бұрын жеңді.

Айта кетейік, әлем чемпионаты 30 тамызға дейін жалғасады. Турнирге 71 елден 500-ден астам дзюдошы қатысып жатыр.