Қазақстан жастар құрамасы Германиямен жолдастық кездесу өткізеді

26 желтоқсан мен 5 қаңтар аралығында Канадада жастар арасындағы хоккейден әлем чемпионаты өтеді, деп хабарлайды Sport+.

Қазақстан құрамасы Оттавада өтетін «B» тобында өнер көрсетіп, топтық кезеңде Чехия, Словакия, Швейцария және Швеция құрамаларымен кездеседі.

10 желтоқсанда Астанада біздің командамыздың алғашқы оқу-жаттығу жиыны басталады.

16 желтоқсанда хоккейшілер дайындықтарын жалғастыру үшін Канадаға аттанады. Онда олар екі жолдастық кездесу өткізеді: 19 желтоқсанда Германия құрамасымен, 21 желтоқсанда CCHL – Орталық Канада хоккей лигасында өнер көрсететін «Хоксбери Хокс» жастар командасымен.

27 желтоқсанда Қазақстан құрамасы әлем чемпионатындағы алғашқы матчын Швеция командасына қарсы өткізеді.