Қазақстан хоккейден әлем чемпионатын өткізуге үміткерлер қатарында

Қазақстан хоккейден 2028 жылғы әлем чемпионатын өткізуге өтініш берді, деп хабарлайды Sport Plus Qazaqstan  Shaiba.kz ақпаратына сүйене отырып.

Халықаралық хоккей федерациясынығ сайтында Астана мен Алматы қалалары ұсынылғаны көрсетілген. Ресми кандидаттардың қатарында Франция да бар.

Қазақстан құрамасы 2021 жылдан бері элиталық дивизионда өнер көрсетеді. Чехияда өтетін алдағы біріншілікте ел құрамасы топтық кезеңде АҚШ, Германия, Польша, Швеция, Словакия, Латвия және Франциямен кездеседі.
2025 жылы әлем чемпионаты Швеция мен Данияда, 2026 жылы Швейцарияда, 2027 жылы Германияда өтеді.