Қазақстан құрамасы Президент Кубогында қатарынан екінші жеңіске жетті

Президент Кубогының үшінші матчында Қазақстан құрамасы «Амур» Хабаровск командасымен кездесті, деп хабарлайды Sport Plus Qazaqstan.

Бірінші кезеңде алаң иелері бір минут ішінде екі шайба соқты: алдымен Михаил Рахманов, содан кейін Андрей Буяльский ерекшеленді. Екі минут өткен соң Кирилл Панюков Роман Старченконың соққысын қақпаға бағыттап, есепті 3:0-ге жеткізді. Екінші кезеңде қарсылас бір гол соқты. Үшінші кезеңде шайба салынбады. Нәтиже — 3:1, Қазақстан құрамасының турнирдегі екінші жеңісі!

Қазақстан — «Амур» — 3:1 (3:0, 0:1, 0:0)

1:0 — 04:16 — Рахманов (Бреус)

2:0 — 05:21 — Буяльский (Мухаметов, Гайтамиров)

3:0 — 07:31 — Панюков (Старченко, Бекетаев)

3:1 — 27:50 — Брынцев (Барулин, Грачев)

Қақпашылар: Павленко — Бобков

Финалистер «Барыс» — «Лада» матчынан кейін анықталады.