Қазақстан құрамасы Азия чемпионатында тағы үш алтын жеңіп алды

Ташкентте өтіп жатқан каратэден Азия чемпионатында Қазақстан құрамасының қоржынына тағы үш алтын медаль түсті, деп хабарлайды Sport+.

Құрлықтық біріншілікке ересектер арасында алғаш рет қатысып отырған Дайяна Даренская 68 келіге дейінгі салмақ дәрежесінде финалда жапониялық Кама Цубасаны жеңді.

Әлем чемпионатының қола жүлдегері Нұрқанат Әжіханов (-75 кг) осыдан кейін татамиге шығып, ирандық қарсыласына еш мүмкіндік бермеді.

Токио Олимпиадасының қола жүлдегері Софья Берульцева (+68 кг) тағы бір жапон спортшысы — Сумирэ Сугитуды ұтты.

Бұған дейін Жоламан Биғабыл да алтын жүлде жеңіп алған болатын.